ម៉ូតូបុកម៉ូតូ បណ្តាលឲ្យស្លាប់ម្នាក់ និងរបួសធ្ងន់ម្នាក់
11-February-2020 | ដោយ ពលមនសិការ
កំពង់ធំ៖ មានករណីគ្រោះថ្នាក់ចរាចរណ៍ម៉ូតូបុកម៉ូតូ ក្នុងទិសដៅផ្ទុយគ្នា បណ្តាលឲ្យរបួសធ្ងន់ម្នាក់(ប្រុស) ស្លាប់មនុស្សម្នាក់ (ប្រុស) ខូចខាតម៉ូតូ០២គ្រឿង នៅថ្ងៃអង្ការ ៣រោច ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១១ ខែកុម្ភៈ ឆ្នាំ២០២០ វេលាម៉ោង០៧នឹង៣០នាទី លើកំណាត់ផ្លូវលំក្រាលកៅស៊ូ ភូមិប្រាសាទ ឃុំឈូក ស្រុកប្រសាទសំបូរ ខេត្តកំពង់ធំ។
មន្ត្រីនគរបាលមូលដ្ឋានបានឲ្យដឹងថាមុនពេលកើតហេតុមានម៉ូតូម៉ាកហុងដាឌ្រីមC125 ពណ៌ខ្មៅ ផ្លាកលេខកំពង់ចាម 1H-8220 (បើកបរទិសដៅពីកើតទៅលិច) ដោយឈ្មោះ ពេជ ពីន ភេទប្រុស អាយុ៣០ឆ្នាំ (មុខរបរកសិករ)រស់នៅភូមិ ឃុំកើតហេតុខាងលើ (របួសធ្ងន់)(មិនពាក់មួកសុវត្ថិភាព) ពេលមកដល់កន្លែងកើតហេតុបានបុកជាមួយម៉ូតូម៉ាកហុងដាវ៉េវ ពណ៌ខ្មៅ ផ្លាកលេខកំពង់ធំ 1G-5610 (បើកបរទិសដៅពីលិចទៅកើត) ដោយឈ្មោះ ភិន ផេង ភេទប្រុស អាយុ៤៥ឆ្នាំ(មុខរបរកសិករ) រស់នៅភូមិ ឃុំកើតហេតុខាងលើ (ស្លាប់នៅកន្លែងកើតហេតុ)(មិនពាក់មួកសុវត្ថិភាព)។
ក្រោយកើតហេតុសមត្ថកិច្ចបានវាស់វែងយកវត្ថុតាងមករក្សាទុកនៅអធិការដ្ឋាននគរបាលស្រុកប្រាសាទសំបូរ។ សមត្ថកិច្ចបានបញ្ជាក់ថាមូលហេតុបឋមបង្កដោយអ្នកបើកបរម៉ូតូម៉ាកហុងដាវេវឈ្មោះ ភិន ផេង បើកបរវ៉ាជែងគោយន្តចូលទៅបុកអ្នកបើកម៉ូតូហុងដាឌ្រីមឈ្មោះ ពេជ ពីន ដែលកំពុងបើកបរក្នុងគន្លងផ្លូវផ្ទុយគ្នា ៕
ចំនួនអ្នកទស្សនា
- ថ្ងៃនេះ1561
- ម្សិលមិញ15681
- សប្តាហ៍នេះ60401
- ខែនេះ82281
- ឆ្នាំនេះ82281
- សរុប20524737